Ese é o nome da nosa factoría de produción para a divulgación do coñecimento científico.
O discurshow Matarratos Darwin foi o noso espectáculo de presentación. Desde entón non deixamos de procurar novos xeitos de comunicar a ciencia.
A produtora Adivina Producións convidounos a participar no programa de divulgación Conexións, para a TVG. Decidimos contribuir con breves monólogos científicos nos que Xurxo Mariño diserta con soltura e Heriberto Peripécio (Vicente) se solta sen mesura.
Desde 2006 vimos brincando con esta experiencia tabernaria e desenfadada de divulgación. Son os Cafés Científicos (ou Cafés Teatro-Científicos) que parten da iniciativa do grupo de investigación NEUROCOM da Universidade da Coruña (UDC).